Молитва к Божией Матери о детях

О Пресвятая и Преблагословённая Дево Бого­родице, Мати Сладчайшаго Господа нашего Ии­суса Христа, Царице Небесё и земли, всемилости­вая Заступнице рода христианскаго, прибежище и спасение притекающих к Тебе! Припадаю и покла-няюся Тебе пред святою иконою Твоею и сми­ренно молю Тя: спаси и сохрани под кровом Твоим чад моих (имена), огради их от глада, губительства, труса, потопа, огня, меча, нашествия иноплемен­ных, междоусобныя брани, от всех враг видимых и невидимых, от всякия беды, болезни, напасти и внезапныя смерти. О Царице Небесная, на всяком месте и на всякое время буди им стена необоримая и заступление крепкое. Яко Свет невечерний от чрева Твоего возсиявшая, озари души их, Пречи­стая, и отженй всякую мглу от сердец их.

Даруй им умиление, смирение, покаяние, чи­стоту помышлений и дух сокрушения. Покрый ризою пренепорочнаго Материнства Твоего, вос­питай, уцеломудри, отверзи ум к восприятию всякаго полезнаго учения, соблюди во страсе Бо­жием и к послушанию родителем настави. Буди им непрестанная теплая Молитвенница и Хода-таица к рождшемуся от Тебе Господу и Богу на­шему Иисусу Христу, умоли Его, да дарует им вся полезная ко спасению их. Много бо может Ма­терняя Твоя молитва на умоление Владыки; сего ради Твоим ходатайством и заступлением избави их от мытарств воздушных князёй века сего, и на Страшнем Судйщи Христове сподоби их стати одесную Сына Твоего, и наследники вечных благ сотвори.

О Всеблагая! Под Твою милость прибегаю, Бо­городице Дево, вручаю чад моих (имена) Твоим святым молитвам и Матернему смотрению Тво­ему, яко Ты еси, едина чистая и благословенная, Божественный покров рабом Твоим, да величаем Тя, всеблагомощная Госпоже Богородйтельни-це, и славим воплбщшагося от Тебе Христа Бога нашего, Емуже подобает всякая слава, честь и по­клонение со Безначальным Его Отцем и с Пре­святым и Благим и Животворящим Его Духом, ныне и присно, и во веки веков. Аминь.