Молитва первая

Отче Святый, Предвечный Боже, от Негоже исходит всяк дар и всяко благо, Тебе прилежно молюся о чадех, яже дарова мй благость Твоя. Ты дал еси им бытие, оживотворил еси их душею без-смертною, оградил еси Святым Крещением, во еже жити им согласно воле Твоей и Царствие Не­бесное наслёдити. Сохрани их во благодати Твоей до кончины жития их и освящай истиною Твоею, да святится в них имя Твое. Содействуй мй благо­дати ю Твоею, да возращу их во славу ймене Тво­его и ближним на пользу и подаждь мй терпение, силу и вся к сему потребная. Просвещай их све­том премудрости Твоея, да возлюбят Тя всею ду­шею и всем помышлением своим. Насади в серд­цах их страх Твой и от всякаго беззакония отвра­щение, да будут непорочны в путёх своих.

Господи! Украсй души их целомудрием, долго­терпением и всякою праведностию, да будет мерзостна пред ними всяка клевета, ложь и лесть. Окропи их росою благодати Твоей, да преуспе­вают в добродетели и святости, да возрастают в любви у Тебе и благочестивых человек. Ангели Хранителие их выну да пребудут с ними, да со­блюдут юность их от помышлений суетных, от прелестей и соблазнов мира сего и от всяких на­ветов лукаваго. Аще же иногда и согрешат пред Тобою, не отврати лица Твоего от них, но буди милостив к ним, возбуди сокрушение в сердцах их и по множеству щедрот Твоих очисти согреше­ния их. Не лиши их и земных Твоих благ, но поели им вся потребная в жизни сей ко обретению бла-женныя вечности. Сохрани их от всякия болезни, гнева, напасти, беды и скорби и осени милостию Твоею во вся дни живота их.

Боже благйй! Еще молю Ти ся: даждь мй весе­лие и радость о чадех моих и сподоби мя на Страшнем Судйщи Твоем с непостыдным дерзно­вением рещй: се аз и чада моя, яже ми дал еси, Господи; да купно с ними прославляю неизречен­ную Твою благость и вечную любовь и превоз­ношу пресвятое имя Твое, Отца и Сына и Святаго Духа, ныне и присно и во веки веков. Аминь.