Тропарь и кондак Пресвятой Богородице пред Её иконой, именуемой «Взыскание погибших»

Тропарь, глас 7-й

Радуйся, Благодатная Богородице Дёво, во объятиих Своих Предвёчнаго Младенца и Бога носившая. Проси Его дати миру умирёние и душам нашим спасение. Сын бо Тебе, Богомати, вещает, яко вся прошения Твоя во благое ис­полнит. Сего ради и мы, припадающе, молимся и надеющийся на Тя, да не погибнем, имя Твое именуем: Ты бо есй, Владычице, Взыскание по­гибших.

Кондак, глас 6-й Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускорй на мо­литву и потщйся наумолёние, предстательствующи присно, Богородице, чтущих Тя.

Тропарь и кондак Пресвятой Богородице пред Её иконой, именуемой «Воспитание»

Тропарь, глас 4-й

Воспитавшейся во храме во Святая Святых, одёянней верою и премудростию и безмерным девством, Архистратиг Гавриил принесё с Небесё целование и еже радуйся, радуйся Благословенная, радуйся, Препрославленная, Господь с Тобою. Кондак, глас 6-й

Не имамы иныя помощи, не имамы иныя на­дежды, разве Тебе, Владычице. Ты нам помозй, на Тебе надеемся и Тобою хвалимся, Твои бо есмы рабй, да не постыдимся.

Тропарь, кондак и молитва Пресвятой Богородице пред Её иконой, именуемой «Млекопитательница»

Тропарь, глас 3-й

Без сёмене от Божёственнаго Духа, волею же Отчею зачала есй Сына Божия, от Отца без матерее прежде век суща, нас же ради из Тебе без отца бывша, плотию родила есй и Младенца млеком питала есй, тёмже не престай молйти избавится от бед душам нашим.

Кондак, глас 5-й

Душ наших чувствия очйстивше, узрим на иконе таинство преславное, Творца Вселённой и Господа Вышних Сил, во объятиих держйма и от сосцу Твоею яко Младенца питаема, и, со страхом и радостию покланяющеся Тебе и рождшемуся от Тебе Спасу нашему, воззовём: радуйся, Владычице, Жизни нашея Питательнице.